| 好激氣呀, 我要打番篇日記黎舒發下情緒。 是咁的, 話說本人8月10號生日, 女朋友買左隻黑色鋼錶比我做生日禮物, 是一隻mechanical movement 既錶, 係旺角朗豪坊10樓GENESIS買的。 點知我帶左一日,夜晚訓覺放低,第二日朝早就停左唔郁啦, 如是者第二日都係咁, 咁我就係8月12日拎番去間舖度睇下點啦, 個sales 話呢種錶係咁嫁, 叫我連續帶一兩個星期就會正常番。最神奇既係佢叫我夜晚都帶住訓, 我話冇可能囉, 正常人都唔會帶住隻錶訓覺。 如是者, 我又連續帶左12日,但o係每一朝, 呢隻錶都停左, 每一朝早都要重新調較時間, 我覺得好麻煩。 係8月24日, 我再拎番隻錶去間舖, 個男sales 幫我開左張單話會send 番廠check。 本來都好地地冇乜既, 點知今日有個女sales 打黎話隻錶ok啦, 同我講可以攞番。 佢話:佢地試過搖隻錶搖足半個鐘, 而隻錶就行足一日都冇停過。 我話:咁即係你地冇幫我send 到隻錶番廠check? 佢話:係, 我地試過冇問題, 唔使send。 我覺得佢地咁樣既顧客服務方法同態度好唔正確, 我感覺好似比人厄咁。 而個女sales仲好串.....佢話: 你有冇幫隻錶上鏈呀?上我唔信你行路個陣隻手完全唔郁囉。 我同佢講話聽日會去攞番隻錶, 如果下次再係無啦啦停左的話, 我諗我要直接搵個老闆反應呢個問題, 如果搵唔到的話, 就會向消委會投訴佢。 |
